Uzaq Şərqdə Rusiya-Çin dəniz qüvvələrinin “Beybu/Qarşılıqlı əlaqə - 2024” təlimləri başlayıb.

Bu barədə  "Operativ Məlumat Mərkəzi-OMM" “İnterfaks”a istinadən xəbər verir.

Rusiyanın Sakit Okean Donanmasının və Çin Hərbi Dəniz Qüvvələrinin döyüş gəmilərindən ibarət dəstə artıq təlimlər keçirmək üçün Vladivostokdan dənizə çıxıblar.

Rusiya tərəfdən təlimlərdə sualtı qayıq əleyhinə “Admiral Panteleyev” və “Admiral Tributs” iri gəmilər, “MPK-82” və “MPK-107” sualtı qayıq əleyhinə kiçik gəmilər, həmçinin “Smerç” kiçik raket gəmisi, Çin tərəfdən isə “Xining” və “Wuxi” esminesləri, “Lin Yi” freqatı və “Taihu” kompleks təchizat gəmisi iştirak edəcək.

“Bir həftə ərzində Yapon dənizində gəmilərdən ibarət birgə dəstə qorunmayan vəziyyətdə sahildə yerləşməklə şərti düşmənin havadan, sudan və su altından hücumunu dəf etməyi, birgə manevr və müdafiəni məşq edəcək”, - məlumatda deyilir.

İsrail Hərbi Hava Qüvvələrinin Livanın paytaxtı Beyrutun cənub ətrafına endirdiyi aviazərbələr nəticəsində ölənlərin sayı 19-a yüksəlib, 66 nəfər yaralanıb.

 "Operativ Məlumat Mərkəzi-OMM" AP-yə istinadən xəbər verir ki, bu barədə Livanın Səhiyyə Nazirliyinin icmalında deyilir.

Təxminən 20 nəfər itkin düşüb.

Yerli mülki müdafiə xidmətinin məlumatına görə, Əl Qaim məhəlləsində dağılmış iki evin qalıqları olan yerdə axtarış-xilasetmə əməliyyatı davam edir. Mümkün qurbanların axtarışı üzrə dağıntılar təmizlənir.

Xatırladaq ki, daha əvvəl “Hizbullah” hərəkatının silahlı qanadı İsrailin hava hücumu zamanı 2 hərbi rəhbərinin və 13 döyüşçüsünün öldüyünü təsdiqləmişdi.

Fələstin Dövlətinin Prezidenti, Fələstin Azadlıq Təşkilatı İcraiyyə Komitəsinin sədri Mahmud Abbas Birləşmiş Millətlər Təşkilatı Baş Assambleyasının qarşıdan gələn 79-cu sessiyasında iştirak etmək üçün Nyu Yorka gedib.

 "Operativ Məlumat Mərkəzi-OMM" xəbər verir ki, bu barədə “Wafa” məlumat yayıb. 

Prezident Abbasın sentyabrın 26-da BMT Baş Assambleyasında çıxışı planlaşdırılır.

Məlumatda bildirilir ki, səfər zamanı o, Fələstindəki son hadisələri müzakirə etmək üçün müxtəlif dünya liderləri ilə görüşməyi planlaşdırır.

Böyük Britaniya vətəndaşlarına Livanda mövcud olan kommersiya aviaxidmətləri işlədiyi müddətdə ölkəni tərk etməyi tövsiyə edib.

"Operativ Məlumat Mərkəzi-OMM" xəbər verir ki, bu barədə Böyük Britaniyanın Xarici İşlər Nazirliyindən bildirilib.

“Xarici işlər naziri Devid Lemmi Livandakı son vəziyyət və vəziyyətin kəskinləşmə riskini nəzərə alaraq davam edən hazırlıq işlərini müzakirə etmək üçün “COBRA" iclasına rəhbərlik edib. Britaniya vətəndaşlarının təhlükəsizliyi bizim bir nömrəli prioritetimizdir. Buna görə də biz vətəndaşlarımıza Livanı kommersiya reysləri mövcud olduğu müddətdə tərk etməyi tövsiyə edirik”, - məlumatda qeyd olunub.

İsrail ordusu Beyrutda öldürülən Hizbullah komandirlərinin oktyabrın 7-də HƏMAS-ın hücumundan nümunə götürərək İsrailin şimalına hücum etməyi planlaşdırdığını bildirib.

"Operativ Məlumat Mərkəzi-OMM" xəbər verir ki, bu barədə "RİA Novosti" məlumat yayıb.

Bu gün İsrail ordusunun şiə radikal təşkilatı Hizbullahın yüksək səviyyəli komandiri İbrahim Aqili məhv etdiyi öyrənilib.

Aqil iyul ayında İsrailin hücumunda öldürülən Fuad Şükrdən sonra Hizbullahın hərbi qüvvələrində ikinci ən güclü şəxs olduğu bildirilir.

ABŞ Konqresinin Nümayəndələr Palatası prezidentliyə və vitse-prezidentliyə namizədlər üçün Gizli Xidmətin mühafizəsini gücləndirən qanun layihəsini təsdiqləyib.

"Operativ Məlumat Mərkəzi-OMM" xəbər verir ki, bu barədə "RİA Novosti" məlumat yayıb.

“Prezidentin təhlükəsizliyinin gücləndirilməsi haqqında” qanunu parlamentin 405 üzvü yekdilliklə qəbul edib. Bu, Məxfi Xidmətdən ABŞ-ın hazırkı prezidenti və vitse-prezidenti, eləcə də bu vəzifələrə bütün namizədlər üçün mühafizəçilərin sayını müəyyən edərkən eyni standartları tətbiq etməyi tələb edir.

Nümayəndələr Palatasında Respublikaçı Çoxluğun lideri Stiv Skaliz bildirib ki, ABŞ hazırda Respublikaçılar Partiyasından prezidentliyə namizəd Donald Trampa qarşı iki sui-qəsd cəhdi ilə üzləşib. Onun fikrincə, Məxfi Xidmət namizədləri ölkə prezidentlərinə təqdim etdiyi müdafiəni təmin etməlidir.