Ukrayna Hərbi Hava Qüvvələri bu gün ölkəyə hava hücumu zamanı Rusiya ordusunun müxtəlif bombalardan, o cümlədən qitələrarası ballistik raketdən istifadə etdiyini bildirib.
"Operativ Məlumat Mərkəzi-OMM" xəbər verir ki, bununla bağlı Ukrayna Hərbi Hava Qüvvələrinin Teleqram hesabında paylaşım edilib.
Paylaşımda Rusiya ordusunun bu gün səhər saatlarında Ukraynanın Dnepr şəhərinə hava hücumu təşkil etdiyi açıqlanıb.
Hücumlarda ölən və yaralananlar barədə hələlik məlumat yoxdur. Hadisə səbəbindən ölkənin müxtəlif şəhərlərində, xüsusən də Kiyevdə elektrik enerjisi kəsilib.
