Ukraynanın Dnepr şəhərinə endirilən raket zərbəsi nəticəsində artıq 40 nəfər yaralanıb, 4 nəfər həlak olub. Sabah Dnepr şəhərində matəm günü elan edilib.
"Operativ Məlumat Mərkəzi-OMM" xəbər verir ki, bu barədə Dnepr şəhərinin meri Boris Filatov məlumat verib. Xəsarət alanların böyük əksəriyyəti xəstəxanalardadır, yaralılardan 11-nin vəziyyəti ağırdır. Axtarış-xilasetmə əməliyyatları başa çatıb.
Şəhərdəki dörd hündürmərtəbəli bina da rus hərbçilərinin zərbəsi nəticəsində zədələnib, 200-dən çox pəncərə sındırılıb. Təhsil müəssisəsi, xeyriyyə anbarı və bir neçə qeyri-yaşayış binasına da ziyan dəyib. Dördmərtəbəli inzibati bina və 49 avtomobil də zərər görüb.
