Rusiya Aya kosmik gəmi göndərəcək.
"Operativ Məlumat Mərkəzi-OMM" xəbər verir ki, bu barədə Rusiyanın Roskosmos Kosmik Agentliyi məlumat yayıb.
"Luna-25" Aya eniş aparatı Moskvadan təxminən 5550 kilometr şərqdə yerləşən "Vostochnıy" kosmodromundan havaya buraxılacaq.
Kosmik gəminin buraxılacağı ərazidən cənub-qərbdə, Rusiyanın Xabarovsk vilayətindəki Şahtinski yaşayış massivinin sakinləri avqustun 11-də səhər saatlarında ərazidən təxliyə olunacaqlar.
Buna səbəb raket sürətləndiricilərin kosmik gəmidən ayrılaraq bu əraziyə düşəcəyi proqnozlaşdırılır.
Bildirilir ki, missiyanın əsas məqsədi Ayın daxili hissəsinin tədqiqi və su mənbələrinin axtarışıdır.
