"Real"ın müdafiəçisi Raul Asensio Almaniyaya keçə bilər.
"Operativ Məlumat Mərkəzi-OMM" xəbər verir ki, bu barədə “Todofichajes” portalı məlumat yayıb.
“Bayern” futbolçunu öz sıralarına cəlb etmək istəyir.
Əvvəllər mətbuat Asensio ilə “Mançester Siti”nin də maraqlandığını yazırdı, lakin futbolçunun özü danışıqlar aparmaq istəməmişdi.
Raulun "kral" klubu ilə hazırkı müqaviləsi 2026-cı ilin yayında başa çatır.
"Bayern" Almaniya çempionatının 12 turundan sonra 30 xal toplayıb. Vinsent Kompaninin komandası ikinci pillədə qərarlaşan Frankfurt “Ayntraxt”ını 4 xal qabaqlayır.
