OMM Redaksiyası
Portuqaliya millisinin yarımmüdafiəçisi Rafael Leao UEFA Millətlər Liqasının qrup mərhələsində Danimarka ilə oyundan sonra Kriştiano Ronaldunun yığmadan ayrılması ilə bağlı müzakirələrə münasibət bildirib. Portuqaliya səfərdə rəqibini 4:2 hesabı ilə məğlub edib.
Leao: Əsas olan komandadır
“Bu, bizə aid olmayan mövzudur. Bir daha komanda olduğumuzu göstərdik. Əminəm ki, Kriştiano Ronaldu evdə bu qələbəyə sevinir. Onunla yaxşı ünsiyyətim var və necə insan olduğunu bilirəm. Buna görə deyə bilərəm ki, ən vacib olan komandadır”, – Leao A Bola nəşrinə açıqlamasında bildirib.
O, Portuqaliyanın qrupda lider olduğunu xatırladıb və növbəti matça hazırlaşacaqlarını söyləyib: “Daha üç xal qazandıq və qrupa başçılıq edirik. İndi dincəlmək və bazar günü Norveçlə keçiriləcək oyuna hazırlaşmaq lazımdır”.
Portuqaliya Danimarkanı məğlub etdi
Danimarka – Portuqaliya qarşılaşmasında hesabı 13-cü dəqiqədə Joau Kanselu açıb. Mikkel Damsqor 23-cü dəqiqədə tarazlığı bərpa etsə də, Qonsalu Ramuş iki dəqiqə sonra Portuqaliyanı yenidən önə keçirib. Rasmus Høylund 53-cü dəqiqədə hesabı 2:2 edib. Vitinya 67-ci, Joau Feliks isə 87-ci dəqiqədə fərqlənərək qonaqlara qələbə qazandırıb.
Daha əvvəl Ronaldunun Portuqaliya millisində geyindiyi 7 nömrəli formanın Rafael Leaoya verildiyi bildirilmişdi.
