Ölkə ərazisində litosferdə gedən geodinamik hərəkətlər zəlzələ ocaqlarında xırda təkanlara səbəb ola bilər. Lakin dağıdıcı zəlzələ ehtimalı yoxdur. Təkanlar arasında hiss edilənlər ola bilər ki, bu da qorxulu deyil.
"Operativ Məlumat Mərkəzi-OMM" xəbər verir ki, bunu Azərbaycan Milli Elmlər Akademiyası nəzdində Respublika Seysmoloji Xidmət Mərkəzinin baş direktoru Qurban Yetirmişli jurnalistlərə müsahibəsində deyib.
Baş direktor qeyd edib ki, seysmik aktiv zonada yerləşdiyinə görə Azərbaycanda hər gün xırda təkanlar baş verir: “Seysmogen zonalar arasında elə bir yer yoxdur ki, orada güclü enerji toplanması getsin. Biz bunun analizini aparıb aktiv zonaları müəyyən edirik”.
