ABŞ Nümayəndələr Palatasının Respublikaçı və Demokrat üzvləri Qrenlandiya ilə bağlı iki rəqabətli qanun layihəsi təqdim ediblər.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Respublikaçı Rendi Fayn Qrenlandiyaya ilhaq və dövlət statusu verilməsi ilə bağlı qanun layihəsi təqdim edib.
Qanun layihəsi Danimarka ərazisini həyati əhəmiyyətli milli təhlükəsizlik aktivi adlandırır və ABŞ prezidenti Donald Trampın "Danimarka Krallığı ilə danışıqlar aparmaq, Qrenlandiyanı ABŞ ərazisi kimi ilhaq etmək və ya başqa şəkildə əldə etmək də daxil olmaqla zəruri addımlar atmaq səlahiyyətinə malik olduğunu iddia edir.
Plan yeni əldə edilmiş ərazinin nəticədə qanunvericilik dəyişiklikləri yolu ilə dövlət kimi qəbul edilməsini nəzərdə tutur.
Kaliforniya Demokrat Konqresmeni Cimmi Qomez federal vəsaitlərin Qrenlandiyanı işğal etmək, ilhaq etmək, satın almaq və ya başqa şəkildə əldə etmək üçün istifadəsini qadağan edən Qrenlandiyanın Suverenliyinin Qorunması Qanununu təqdim edib.
Həmçinin, adada Amerika qoşunlarının artırılması üçün maliyyələşdirmənin dayandırılması və ya ada sakinlərini Qrenlandiyanın ABŞ tərəfindən ilhaqını dəstəkləməyə inandırmaq üçün kampaniyaların dayandırılması təklif olunur.
Qeyd olunub ki, hər iki qanun layihəsinin qəbul edilmə şansı olduqca azdır.
Tramp əvvəllər ABŞ-nin müdafiə məqsədləri üçün Qrenlandiyaya ehtiyacı olduğunu bildirmişdi.
O, dəfələrlə adanı bu və ya digər şəkildə əldə etmək niyyətini bildirib.
