Qazaxıstan Prezidenti Kasım-Jomart Tokayev təhsil və mentorluq məsələlərinə dair qanunvericiliyə dəyişikliklər imzalayıb.
"Operativ Məlumat Mərkəzi-OMM" xəbər verir ki, bu barədə Qazaxıstan liderinin mətbuat xidməti məlumat verib.
Qanun orta təhsil müəssisələrində mobil telefondan istifadəni qadağan edib.
Sənəddə həmçinin uşaqların birinci sinfə test olmadan qəbul edilməsi, uşaq bağçalarına yerlərin verilməsi üzrə vahid ardıcıllığın təmin edilməsi, təhsil təşkilatlarında zorakılığı təbliğ edən, intihara təhrik edən, dini xarakterli məlumatların yayılmasının qarşısını almaq üçün tədbirlərin görülməsi nəzərdə tutulur.
