İsrailin İrana qarşı həyata keçirdiyi hərbi hücumlardan sonra Qətər dövləti ölkədəki mövcud təhlükəsizlik vəziyyəti ilə bağlı rəsmi açıqlama yayıb.
"Operativ Məlumat Mərkəzi-OMM" xəbər verir ki, regional gərginliyin artmasına baxmayaraq, ölkə daxilində vəziyyət stabil və təhlükəsizdir.
Ölkənin Daxili İşlər Nazirliyi vurğulayıb ki, aidiyyatı təhlükəsizlik qurumları hadisələrin gedişatını mütəmadi olaraq izləyir və bütün preventiv tədbirləri görür.
“Dövlət qurumları vətəndaşların, sakinlərin və ölkəyə gələn turistlərin təhlükəsizliyini tam nəzarətdə saxlayır. Regionda baş verən hərbi aktivliyə rəğmən, bütün dövlət və sosial xidmətlərin heç bir fasilə olmadan fəaliyyət göstərməsi təmin edilib. Təhlükəsizlik agentlikləri vəziyyəti elə bir şəkildə idarə edir ki, bu, gündəlik həyatın axarına mənfi təsir göstərmir”.
