“Qarabağ” komandası futbolçusu Hamidu Keytayla yollarını ayırıb.
Bu barədə "Operativ Məlumat Mərkəzi-OMM"-ə klubdan məlumat verilib.
İyirmi doqquz yaşlı fransalı hücumçu ilə müqaviləyə qarşılıqlı razılıq əsasında xitam verilib.
2023-cü ilin yayından “Qarabağ”da çıxış edən Keyta bu müddətdə 54 matça çıxıb və 9 qol vurub. O, Premyer Liqada 31 (7 qol), kubokda 6 (2 qol), avrokuboklarda 17 oyun keçirib. Hamidu “Qarabağ”la Azərbaycan çempionu və kubokunun qalibi olub.