Qərbi Afrika ölkəsi Qana Oksford Universiteti tərəfindən hazırlanmış yeni malyariya peyvəndini təsdiqləyən ilk ölkə oldu.
"Operativ Məlumat Mərkəzi-OMM" xəbər verir ki, açıqlamaya görə, bu yeni peyvəndi təsdiqləyən ilk ölkə olan Qanada peyvənd 5 aydan 3 yaşa qədər olan uşaqlarda istifadə olunacaq.
Digər tərəfdən,Ümumdünya Səhiyyə Təşkilatı (ÜST)bu peyvəndi də təsdiq etməyi düşünür.
Universitetdən verilən açıqlamada Oksford komandası tərəfindən 400-dən çox uşaq üzərində sınaqdan keçirilən peyvəndin ÜST-nin təsdiq kriteriyalarını yerinə yetirdiyi bildirilib.
Açıqlamada peyvəndin heç bir yan təsir göstərmədiyi, yüksək doza qəbul edənlərdə 2 il ərzində 80 faiz, aşağı dozada isə 70 faiz qoruma təmin edildiyi bildirilib.
