Fransa Prezidenti Emmanuel Makron və Rusiya Prezidenti Vladimir Putin arasında əlaqələrin yaradılması hələ başlanmayıb, lakin gələcəkdə bunun mümkünlüyü istisna edilmir.
“Operativ Məlumat Mərkəzi-OMM” TASS agentliyinə istinadən xəbər verir ki, bu barədə fransız diplomat bildirib.
Mənbənin sözlərinə görə, “hazırda bu səviyyədə konkret danışıqlar planlaşdırılmır, lakin heç nəyi istisna etmək olmaz”.
Qeyd olunur ki, Makron daha əvvəl “France 2” telekanalına verdiyi açıqlamada Putinlə ən qısa zamanda danışmaq niyyətində olduğunu bildirmişdi.
