PSJ rəhbərliyi yayda komandanın yenidən qurulması üçün təxminən 225 milyon avro ayırmağa hazırdır.
"Operativ Məlumat Mərkəzi-OMM" xəbər verir ki, bu barədə L'Équipe məlumat yayıb.
Mənbənin sözlərinə görə, müqaviləsi bitəcək olan Serxio Ramosun yayda klubdan ayrılacağı gözlənilir və digər mərkəz müdafiəçisi Presnel Kimpembe də satıla bilər.
Onların yerinə parislilər "Nitsa"dan Jan-Kler Todibo və "Monako"dan Aksel Disasini düşünür.
Həmçinin, Fabian Ruiz və Karlos Soler də PSJ-ni tərk edə bilər. Paris klubu "Nitsa"dan Kefren Thuramla maraqlanır.
İyun ayında müqaviləsi başa çatacaq Lionel Messinin də yayda komandadan ayrılacağı da bildirilir. Onun yerinə eyni anda bir neçə namizəd nəzərdən keçirilir: “Tottenhem”dən Harri Keyn, “Napoli”dən Viktor Osimhen və “Ayntraxt”ın hücumçusu Randal Kolo Muani.