Qvineya Respublikasının Prezidenti Mamadi Dumbuya ölkə hökumətinin istefaya göndərilməsi barədə fərman imzalayıb.
"Operativ Məlumat Mərkəzi-OMM" xəbər verir ki, bu barədə məlumatı yerli xəbər portalları yayıb.
Dövlət başçısının göstərişinə əsasən, yeni hökumət formalaşana qədər nazirliklərin cari işlərinin idarə olunması qurumların baş katiblərinə həvalə edilib.
Yeni kabinetin tərkibinin və baş nazirin kimliyinin yaxın günlərdə elan olunacağı gözlənilir.
Hökumətin buraxılması qərarı Dumbuyanın rəsmi olaraq prezident vəzifəsinin icrasına başlamasından təxminən bir neçə həftə sonra verilib.
Xatırladaq ki, o, 2025-ci il dekabrın 28-də keçirilən seçkilərdə qələbə qazanmışdı. Qvineya qanunvericiliyinə görə, prezidentin səlahiyyət müddəti yeddi ildir.
