Misli Premyer Liqasının 2024/2025 mövsümü üzrə komandaların ev oyunlarında qeydə alınan orta azarkeş sayı rəsmən açıqlanıb.
“Operativ Məlumat Mərkəzi-OMM” xəbər verir ki, bu statistika AFFA-nın hesabatında öz əksini tapıb.
Siyahıya "Turan Tovuz" başçılıq edir. Tovuz təmsilçisinin ev matçlarına orta hesabla 4361 tərəfdar gəlib.
"Neftçi" (2209) ikinci pillədə qərarlaşıb. İlk "üçlüy"ü isə "Sumqayıt" (1858) qapayıb.
Növbəti sıralarda "Qarabağ" (1729), "Sabah" (1357), "Şamaxı" (1161), "Kəpəz" (1033), "Zirə" (753), "Səbail" (642) və "Araz-Naxçıvan" (256) yer alıblar.
