OMM Redaksiyası
Misli Premyer Liqasının VIII turunda daha bir oyun keçirilib. Günün ilk matçında “Turan Tovuz” səfərdə “İmişli” ilə qarşılaşıb.
Yevlax şəhər stadionunda baş tutan görüş meydan sahiblərinin 1:0 hesablı qələbəsi ilə yekunlaşıb. Dioqo Rollo 25-ci dəqiqədə fərqlənərək “İmişli”yə qələbə qazandırıb.
Bu nəticədən sonra xallarının sayını 7-yə çatdıran “İmişli” turnir cədvəlində doqquzuncu pillədə qərarlaşıb. “Turan Tovuz” isə 14 xalla dördüncü sıradadır.
Günün və turun sonuncu matçında “Kəpəz” “Zirə”ni qəbul edəcək. Turun əvvəlki oyunlarında “Şamaxı” “Şəfa”nı 3:2, “Sumqayıt” “Araz-Naxçıvan”ı 2:1, “Sabah” isə “Qəbələ”ni 4:0 hesabı ilə məğlub edib. “Qarabağ” – “Neftçi” qarşılaşması 3:3 hesabı ilə başa çatıb.
