Polşanın müdafiə naziri Vladislav Kosiniyak-Kamış Ukrayna ilə hərbi əməkdaşlığın genişləndirilməsi ilə bağlı danışıqlar aparmaq üçün Kiyevə gedəcək.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, Vladislav Kosiniyak-Kamış Polşa Müdafiə Nazirliyi və Silahlı Qüvvələrin nümayəndə heyəti ilə Kiyevə səfər edəcək və burada o, digər məsələlərlə yanaşı, hərbi əməkdaşlıq və Ukraynanın müdafiəsinə gələcək dəstəyi müzakirə edəcək.
Səfər zamanı Polşanın müdafiə nazirinin ukraynalı həmkarı Denis Şmıxalla görüşməyi planlaşdırdığı bildirilir. Onların danışıqlarının mərkəzi mövzusu döyüş vəziyyətində pilotsuz uçuş aparatlarından istifadə üzrə mütəxəssislərin hazırlanması olacaq.
