Afət Ziyadqızı
Rusiyanın Ukraynadakı xüsusi əməliyyatı çərçivəsində Polşanın Kiyevə tank, təyyarə, zirehli transportyor və özüyeriyən artilleriya kimi 1000 ədəd müxtəlif hərbi texnika tədarük edib.
"Operativ Məlumat Mərkəzi-OMM" xəbər verir ki, bu barədə Polşa prezidenti Anjey Duda Ukraynaya səfərindən sonra verdiyi açıqlamada bildirib.
"Ümumilikdə, biz Ukraynaya 400-ə yaxın tank verdik. Yalnız döyüş maşınlarını və ağır texnikanı hesablasaq, bir sözlə, mindən çox ağır silah verdik", - deyə Duda qeyd edib.
Duda bildirib ki, Ukraynaya təhvil verilən texnikalar arasında T-72 tankları, "RT-91 Twardy", "Leopard"lar, müxtəlif növ zirehli personal daşıyıcıları, Polşa istehsalı olan “Rosomak” və “Krab” piyada döyüş maşınları, 10 MiQ-29 döyüş təyyarəsi və 10 helikopter var.
Hesablamalara görə, Ukraynaya ümumi yardım təxminən 25,9 milyard dollar təşkil edib ki, bunun da təxminən 3,1 milyard dolları hərbi texnikanın tədarükünə xərclənib.
