İsrail və İran arasında münaqişə onilliklərdir ki, davam edir, lakin indi hər şey başqa cürdür, ölkələr birbaşa qarşıdurmaya hazırdır.
"Operativ Məlumat Mərkəzi-OMM" xəbər verir ki, bu fikirləri politoloq Vladimir Kireyev deyib.
O qeyd edib ki, İsrail ABŞ-ı münaqişəyə cəlb etməklə öz strateji düşməninə son qoymaq arzusundadır. Və bütün bunlar Qəzza zolağında uğursuz əməliyyat fonunda baş verib. Ekspert əlavə edib ki, İran da Rusiya və Çinin dəstəyinə görə özünü güclü hiss edir.
“Vaşinqton müharibədə iştirak etsə belə, İran İsrailə meydan oxumağa hazırdır. Bu baş verərsə, dünya müharibəsinə doğru daha bir addım atılacaq. Bu, Çinin Tayvanda hərbi əməliyyata başlamasına səbəb olacaq. Yaxın Şərqdə müharibənin başlaması müasir dünya düzəninin sona çatmasına xidmət edəcək", - deyə Kireyev bildirib.
