Rusiya Təhlükəsizlik Şurasının katibi Sergey Şoyqu Tehranda İran Prezidenti Məsud Pezeşkian ilə görüşüb.
"Operativ Məlumat Mərkəzi-OMM" xarici mediaya istinadən xəbər verir ki, Pezeşkian Şoyqu ilə görüşündə Tehranın Haniyənin öldürülməsinə görə, mütləq İsrailə cavab verəcəyini bildirib.
Pezeşkianın sözlərinə görə, İran heç bir şəkildə Yaxın Şərqdəki müharibə və böhranın miqyasını genişləndirməyə çalışmır.
Xatırladaq ki, Şoyqu həmçinin İranın Ali Milli Təhlükəsizlik Şurasının katibi Əli Əkbər Əhmədian, İran Silahlı Qüvvələrinin Baş Qərargah rəisi Məhəmməd Baqiri ilə də danışıqlar aparıb.
