Afət Ziyadqızı
İran İslam Respublikasının Prezidenti Məsud Pezeşkian Müstəqil Dövlətlər Birliyinin (MDB) sammitində ilk dəfə dəvət olunmuş xüsusi fəxri qonaq qismində iştirak etməsinin Birlik ölkələri ilə çoxşaxəli əməkdaşlığı genişləndirmək baxımından unikal imkanlar açdığını bəyan edib.
"Operativ Məlumat Mərkəzi-OMM" xəbər verir ki, IRNA agentliyinin Tehrandan yaydığı məlumata əsasən, M.Pezeşkian İranın Mərkəzi Asiya və Avrasiya regionunu dünya okeanı və açıq sularla birləşdirən strateji tranzit və logistika habı rolunu xüsusi vurğulayıb.
Dövlət başçısı bildirib ki, Tehran regional nəqliyyat koridorlarının, o cümlədən "Şimal-Cənub" Beynəlxalq Nəqliyyat Dəhlizinin tam gücü ilə fəaliyyət göstərməsində və MDB regionu ölkələrinin dünya bazarlarına çıxışının təmin edilməsində həlledici tərəfdaş kimi çıxış etməyə hazırdır.
