ABŞ Prezidenti Donald Trampa təqdim edilən yeni hərbi planlara Pentaqon rəsmiləri tərəfindən İranla münaqişəyə mümkün son qoymaq üçün təkliflər daxil edilib.
“Operativ Məlumat Mərkəzi-OMM” xəbər verir ki, bu barədə "NBC News" mənbələrə istinadən məlumat yayıb.
Mənbələrin məlumatına görə, ABŞ Prezidentinin müşavirləri arasında gələcək tədbirlər barədə fikir birliyi yoxdur. Münaqişəyə son qoymağın tərəfdarı olanlar hərbi əməliyyatın əvvəlindən bəri dünyada artan iqtisadi qeyri-sabitlikdən narahatlıqlarını ifadə edirlər. ABŞ hökumətinin artan qlobal neft qiymətlərinin qarşısını almaq səyləri fonunda münaqişəyə son qoymaq üçün variantların müzakirəsi getdikcə daha aktual hala gəlir.
Xatırladaq ki, ABŞ və İsrail fevralın 28-də İrana qarşı hərbi əməliyyata başlayıb. SEPAH isə İsrail, Bəhreyn, İordaniya, Qətər, Küveyt, BƏƏ və Səudiyyə Ərəbistanındakı obyektlərə hücum edərək genişmiqyaslı cavab əməliyyatı barədə bəyan edib.
