ABŞ-nin müdafiə naziri Pit Heqset Vaşinqtonun İranın hərbi potensialına qarşı əsas hədəflərini açıqlayıb.
"Operativ Məlumat Mərkəzi-OMM" xəbər verir ki, bu barədə məlumatı "The Times of Israel" nəşri yayıb.
Pentaqon rəhbəri qeyd edib ki, ABŞ-nin əsas məqsədi İranın hücum təyinatlı raketlərini və onların istehsal güclərini tamamilə sıradan çıxarmaqdır.
Bundan əlavə, hərbi əməliyyatların hədəfləri siyahısına İranın hərbi-dəniz donanması və digər mühüm təhlükəsizlik infrastrukturları da daxildir.
Heqsetin sözlərinə görə, bu strateji obyektlərin məhv edilməsi rəsmi Tehranın nüvə silahına sahib olmaq imkanlarını minimuma endirəcək. Nazir həmçinin vurğulayıb ki, hazırda İran ərazisində ABŞ qoşunları mövcud deyil.
Vaşinqton öz maraqlarını qorumaq üçün ən kəskin addımları atmağa hazırdır. Gələcəkdə hərbi qüvvələrin bölgəyə yerləşdirilməsi ehtimalı istisna edilmir.
