"Roma"nın yarımmüdafiəçisi Lorenzo Pelleqrini İngiltərə Premyer Liqasına keçə bilər.
"Operativ Məlumat Mərkəzi-OMM" xəbər verir ki, bu barədə "La Repubblica" məlumat yayıb.
Məlumata görə, yarımmüdafiəçi ilə Londonun "Arsenal" klubu maraqlanır.
İngiltərə klubu futbolçunun transferi üçün "İnter" və "Napoli" ilə mübarizə aparmalı olacaq.
Pelleqrini ilə romalılar arasındakı hazırkı müqavilə 2026-cı ilin ortalarına qədərdir.
"Transfermarkt" portalının ekspertləri onun dəyərini 14 milyon avro qiymətləndirirlər.
Bu mövsüm Lorenzo romalıların heyətində 21 oyun keçirib, 2 qol vurub və 2 məhsuldar ötürmə edib.
