Afət Ziyadqızı
Ermənistanın Baş naziri Nikol Paşinyan Rusiya Federasiyasının Prezidenti Vladimir Putinə telefonla zəng edərək onu ad günü münasibətilə təbrik edib.
"Operativ Məlumat Mərkəzi-OMM" xəbər verir ki, Ermənistan Nazirlər Kabinetinin mətbuat xidmətinin yaydığı məlumata görə, telefon danışığı zamanı Paşinyan Rusiya dövlət başçısına təbriklərini və ən xoş arzularını çatdırıb.
Söhbət əsnasında tərəflər Ermənistan-Rusiya ikitərəfli münasibətlərinin gündəliyində duran cari məsələlər barədə də fikir mübadiləsi aparıblar.
Qeyd edək ki, oktyabrın 7-də Rusiya Prezidenti Vladimir Putinin 74 yaşı tamam olub. Sentyabrın əvvəlində Bişkekdə reallaşan Ermənistan və Rusiya liderlərinin ikitərəfli görüşündə Paşinyanın Moskvaya növbəti rəsmi səfərinin təşkili barədə razılıq əldə edilib. Səfərin dəqiq keçirilmə tarixi diplomatik kanallar vasitəsilə razılaşdırılmaqdadır.
