Papa XIV Leo ABŞ dövlət katibi Marko Rubionun Vatikana səfərinin konkret “cari siyasi məsələlərlə” əlaqələndirilməsinə ehtiyatla yanaşıb və əsas məqsəd kimi dialoqu önə çəkib.
"Operativ Məlumat Mərkəzi-OMM"xəbər verir ki, "Radio-1"in məlumatına görə, pontifik jurnalistlərə açıqlamasında səfərin daha çox diplomatik və ümumi xarakter daşıdığını bildirib.
Papa qeyd edib ki, Rubionun səfəri çərçivəsində əvvəlcə onunla görüş, daha sonra isə Vatikan Dövlət Katibliyində danışıqlar nəzərdə tutulur.
“Ümid edirəm ki, qarşılıqlı anlaşma üçün etimad yaradan açıq və yaxşı dialoq olacaq. Düşünmürəm ki, bu səfər yalnız bugünkü konkret məsələlərlə bağlıdır”, – deyə Papa XIV Leo bildirib.
Məlumata görə, Vatikan tərəfi görüşün əsas məqsədinin beynəlxalq münasibətlərdə dialoq və anlaşma mühitinin gücləndirilməsi olduğunu vurğulayır.
