Omanın Sohar vilayətində baş verən insident zamanı pilotsuz uçuş aparatının (PUA) düşməsi nəticəsində iki xarici vətəndaş həlak olub, bir neçə nəfər isə yaralanıb.
“Operativ Məlumat Mərkəzi-OMM”-in məlumatına görə, Omanın dövlət informasiya agentliyi təhlükəsizlik xidmətinə istinadən bildirir ki, PUA Əl-Əvahi sənaye rayonuna düşüb. Eyni zamanda, Sohar vilayətində daha bir pilotsuz uçuş aparatı zərərsizləşdirilib.
Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıb. Nəticədə İranın ali rəhbəri ayətullah Əli Xamenei və bir sıra yüksək vəzifəli şəxslər öldürülüb. Buna cavab olaraq İran; Səudiyyə Ərəbistanı, Qətər, Birləşmiş Ərəb Əmirlikləri, Oman, Bəhreyn, İraq və Kiprdə yerləşən ABŞ və müttəfiqlərinin hərbi bazalarına zərbələr endirməyə başlayıb.
