Azərbaycanın enerji sektorunda, xüsusilə külək, günəş enerjisi sahəsində 2030-a qədər faiz göstəricisini artırması çox gözəl xəbərdir.
"Operativ Məlumat Mərkəzi-OMM" xəbər verir ki, bunu Almaniya Federativ Respublikasının Kansleri Olaf Şolts Azərbaycan Respublikasının Prezidenti İlham Əliyevlə birgə mətbuat konfransında deyib.
"Biz birgə iqlim siyasətinə dair məsələləri müzakirə edə bilərik. 2035-i ilə qədər yeni iqlim hədəfləri formalaşdıra bilərik. İqlim maliyyələşməsinə biz büdcədən 6 milyard ayırmışıq, ümumilikdə 10 milyard avro səfərbər etmişik. Özəl sektoru da biz iqlim mövzusuna səfərbər etməliyik. COP29-da bu istiqamətdə müəyyən razılaşmalar əldə edəcəyimizə əminəm", - o qeyd edib.
O.Şolts Prezident İlham Əliyevə iqlim dəyişiklikləri ilə mübarizəsi üçün təşəkkür edib.
"Mən əminəm ki, biz əməkdaşlığımızı daha da dərinləşdirəcəyik", - kansler deyib.