Afət Ziyadqızı
İsrailin Baş naziri Benyamin Netanyahu İranın siyasi sistemi haqqında kəskin fikirlər səsləndirib. Baş nazirin ofisindən verilən məlumata görə, bu açıqlama bazar ertəsi gecə saatlarında Mossad rəhbəri David Barneanın istefa mərasimindəki çıxış zamanı verilib.
Netanyahu İranın mövcud idarəetmə sisteminin əsaslarının zəiflədiyini qeyd edərək, ölkədəki rejimin gələcəyi ilə bağlı proqnozunu bölüşüb:
“İrandakı bu terrorçu rejimin təməlləri çatlayıb. O, heç vaxt əvvəlki vəziyyətinə qayıtmayacaq və sonda yıxılacaq”, – deyə Baş nazir vurğulayıb.
Bundan əlavə, Netanyahu İsrailə qarşı təhdid və ya hücum planlaşdıran tərəflərin ağır cavab alacaqlarını xəbərdar edib. O, İranın artıq öz addımlarına görə ciddi bədəl ödədiyini və bu prosesin davam edə biləcəyini əlavə edib.
