Bakı metropoliteninin “Nərimanov” stansiyasında hərəkətdə olan qatarın işıqlandırma blokunda texniki nasazlıq baş verib.
Bu barədə “Operativ Məlumat Mərkəzi-OMM”-ə Metropolitendən məlumat verilib.
Normativlərə əsasən, sərnişinlər dərhal stansiyada düşürülüb və nasaz qatar baxış üçün depoya göndərilib.
Qurumdan verilən məlumata görə, operativ şəkildə əvəzləyici qatar xəttə buraxılıb və hazırda bütün xətlərdə intervallar qorunmaqla qatarların qrafik üzrə hərəkəti tam təmin olunub.
