"Neftçi" Azərbaycan Premyer Liqasının VIII turunda da qələbə qazana bilməyib.

"Operativ Məlumat Mərkəzi-OMM" xəbər verir ki, "ağ-qaralar" doğma meydanda "Sumqayıt"la üz-üzə gəlib.

Qarşılaşma 1:1 hesabı ilə başa çatıb. "Gənclik şəhəri" təmsilçisində 70-ci dəqiqədə Cordan Rezabala hesabı açıb. Meydan sahiblərində Yuri Matias 76-cı dəqiqədə tarazlığı bərpa edib.

Paytaxt klubu bu nəticədən sonra beş xalla 8-ci, qonaqlar yeddi xalla 7-ci pillədə qərarlaşıb.

Qeyd edək ki, günün ilk matçında "Zirə" "Kəpəz"i üç cavabsız qolla üstələyib. Ötən gün "Araz-Naxçıvan" "Səbail"i məğlub edib - 3:2. Turun digər matçları sentyabrın 29-da baş tutacaq.

Futbol üzrə Azərbaycan Premyer Liqasının VIII turunda "Zirə" "Kəpəz"i məğlub edib.

"Operativ Məlumat Mərkəzi-OMM" xəbər verir ki, paytaxt təmsilçisi rəqibini 3:0 hesabı ilə üstələyib.

42-ci dəqiqədə Ceyhun Nuriyev, 51-ci dəqiqədə Rüstəm Əhmədzadə, 57-ci dəqiqədə Davit Volkov fərqlənib.

"Qartallar" bu nəticədən sonra 15-ci xalını qazanıb və ikinci sıradakı "Qarabağ"a çatıb. Bütün görüşlərdə uduzan "Kəpəz" sonuncu - 10-cu pillədə qərarlaşıb.

Qeyd edək ki, günün digər qarşılaşmasında "Neftçi" "Sumqayıt"ı qəbul edəcək. ötən gün "Araz-Naxçıvan" "Səbail"i məğlub edib - 3:2. Turun digər matçları sentyabrın 29-da baş tutacaq.

Futbol üzrə Misli Premyer Liqasında VIII tura start verilib.

"Operativ Məlumat Mərkəzi-OMM" xəbər verir ki, ilk oyun günündə bir qarşılaşma keçirilib. Açılış matçında “Araz-Naxçıvan” Sumqayıtdakı “Kapital Bank Arena”da “Səbail”i qəbul edib. Oyun nominal ev sahiblərinin 3:2 hesablı qələbəsi ilə yekunlaşıb.

Naxçıvan təmsilçisi 16 xalla 1-ci pilləyə yüksəlib. Bakı klubu isə 4 xalla 8-ci pillədə qərarlaşıb.

Qeyd edək ki, turun digər görüşləri sentyabrın 28-29-da oynanılacaq.

“Sumqayıt” klubu heyətini qapıçı ilə gücləndirib.

"Operativ Məlumat Mərkəzi-OMM" klubun mətbuat xidmətinə istinadən xəbər verir ki, "gənclik şəhəri" təmsilçisi ötən mövsümü "Qəbələ"də keçirmiş Rəşad Əzizli ilə müqavilə imzalayıb.

Qolkiperlə müqavilənin müddəti cari mövsümün sonunadək nəzərdə tutulub. 30 yaşlı qapıçı 94 nömrəli formada çıxış edəcək.

Qeyd edək ki, “Sumqayıt” bu günə qədər Rəhim Sadıxov, Fernando Medeyros, Nikola Vuynoviç, Sərtan Taşqın, Silvanus Nimeli, Alan Dias, Miloş Miloviç və Giorgi Karaişvilinin keçidini reallaşdırıb.

Hücumçu Antoni Qordon "Nyukasl"la yeni müqavilə imzalayıb.

"Operativ Məlumat Mərkəzi-OMM" xəbər verir ki, bu barədə nüfuzlu insayder Fabrizio Romano sosial şəbəkələrdə yazıb.

Məlumata görə, 23 yaşlı Qordon yaxın vaxtlarda "ağsağanlar"la yeni müqavilə bağlayacaq.

Qordonun yeni müqaviləsi 2029-cu ilin ortalarına qədər davam edəcək.

Antoni klubunda ən yüksək maaş alan futbolçulardan birinə çevriləcək.

Serbiyanın "Partizan" klubunun yeni baş məşqçisi müəyyənləşib.

"Operativ Məlumat Mərkəzi-OMM" "Novosti.rs"yə istinadən xəbər verir ki, Belqrad təmsilçisi Savo Miloşeviçlə razılığa gəlib.

51 yaşlı mütəxəssis bu postda Aleksandar Stanoyeviçi əvəz edəcək. 2019-2020-ci illərdə "Partizan"ı çalışdırmış S.Miloşeviç 2023-cü ilin sentyabrından 2024-cü ilin aprelinə qədər Bosniya və Herseqovina millisinin baş məşqçisi olub.

Qeyd edək ki, "Partizan" hazırda Serbiya çempionatında 7 oyundan sonra 11 xalla 9-cu pillədə qərarlaşıb.