Bu il dərsdən yayınma hallarını minimuma endirə bilmişik. Regional Təhsil İdarələrinin qarşısında duran əsas hədəflərdən biri bu idi.
"Operativ Məlumat Mərkəzi-OMM" xəbər verir ki, bunu Elm və Təhsil Nazirliyinin Ümumi və məktəbəqədər təhsilin təşkili və idarə olunması şöbəsinin müdiri Elnur Əliyev deyib.
Onun sözlərinə görə, bu istiqamətdə atılan addımlardan biri kimi məktəblərdə aylıq monitorinqlər keçirilməsi idi: "Hər il bu dinamikada azalma müşahidə edildi. Regionlarda dərsdən yayınma halları səbəbləri sırasında şagirdlərin kənd işləri ilə məşğul olması gəlirdi. Ucqar kəndlərdə isə 4-cü sinfə qədər oxumağı-yazmağı varsa bəs edər düşüncəsi var. Ona görə də valideynlərin maarifləndirməsi işləri aparıb".
