“Uzun illər ərzində aparılan siyasət nəticəsində münaqişəyə son qoyuldu”.
"Operativ Məlumat Mərkəzi-OMM" xəbər verir ki, bunu Azərbaycanın xarici işlər naziri Ceyhun Bayramov ilin yekunlarına dair keçirilən mətbuat konfransında deyib.
Onun sözlərinə görə, Cənubi Qafqazda yeni reallıqlar yaranıb: “Biz bunun 2025-ci ildə ilk elementlərini görürük. 2026-cı ildə bu işlər davam etdiriləcək”.
Nazir bildirib ki, Azərbaycan və Ermənistan arasında sülh sazişinin imzalanması üçün Ermənistan konstitusiyasının dəyişməsi və TRIPP layihəsi üzrə öhdəliklərin tam icrası mütləqdir: "Son dövrlər iki ölkənin də vətəndaş cəmiyyəti nümayəndələrinin qarşılıqlı səfərləri olub. Eyni zamanda Qəbələdə delimitasiya üzrə komissiyanın iclası da keçirildi".
Ceyhun Bayramov onu da qeyd edib ki, Azərbaycandan keçməklə Ermənistana taxıl və neft məhsulları çatdırılır.
