NATO silah istehsalçısı olan "Thales Belgium" ultra məxfi zavodları üzərində pilotsuz uçuş aparatlarının sayının artdığını bildirib.
"Operativ Məlumat Mərkəzi-OMM" xəbər verir ki, bununla bağlı "Newsweek" məlumat yayıb.
“Hazırda bir neçə ay əvvəllə müqayisədə daha çox dron görürük”, – deyə "Thales Belgium"un Belçikadakı nümayəndəliyinin direktoru Alen Kevren bildirib.
Nəşrin qeyd etdiyinə görə, şirkət rəhbərliyi indi müəmmalı dronlara, o cümlədən onların vurulması da daxil olmaqla, necə reaksiya verməli olduqları barədə izahat almaq istəyir.
Bildirilir ki, 2024-cü ildə "Thales Belgium" NATO standartlarına uyğun olan və Ukraynada istifadə edilən 70 millimetrlik lazerlə idarə olunan raketlərin istehsalını artırıb.
