Namibiya rəhbərinin səlahiyyətlərini icra edən, əvvəllər vitse-prezident vəzifəsində çalışmış Nanqolo Mbumba Prezident andı içib.
"Operativ Məlumat Mərkəzi-OMM" xəbər verir ki, bu barədə “Namibian Sun” qəzeti “X” sosial şəbəkəsində məlumat yayıb.
“Vitse-prezident Nanqolo Mbumba respublikanın Prezidenti kimi and içib”, - nəşr yazıb.
Bundan əlavə, Namibiyanın yeni rəhbəri beynəlxalq əlaqələr və əməkdaşlıq naziri Netumbo Nandi-Ndaytvanı vitse-prezident təyin edib.
Qeyd edək ki, Namibiyanın Prezidenti Haqe Qotfrid Qeynqob bu gün 82 yaşında vəfat edib. Yanvarda Prezident ofisi Qeynqoba xərçəng xəstəliyi diaqnozu qoyulduğunu açıqlamışdı.
