Azərbaycanın Qoşulmama Hərəkatına sədrliyi çərçivəsində Bakıda keçiriləcək Nazirlər toplantısına paralel olaraq bu gün "Müstəmləkəçiliyin tamamilə aradan qaldırılmasına doğru” (“Towards The Complete Elimination of Colonialism”) mövzusunda beynəlxalq konfrans keçirilir.
"Operativ Məlumat Mərkəzi-OMM" xəbər verir ki, tədbirin təşkilatçısı Beynəlxalq Münasibətlərin Təhlili Mərkəzidir.
Konfransda Fransadan və onun müstəmləkəsi olan bir sıra dənizaşırı ərazilərdən – Yeni Kaledoniya, Fransız Polineziyası, Fransız Qvianası, Martinik, Vallis və Futuna, eləcə də Solomon Adaları - yüksək səviyyəli rəsmi qonaqlar və siyasətçilər iştirak edir.
