Rusiya Daxili İşlər Nazirliyinin regional idarəsinin məlumatına görə, Kamçatka diyarında dərs deyən müəllim dövlət vəsaitlərini mənimsəməkdə ittiham olunaraq barəsində cinayət işi açılıb.
“Operativ Məlumat Mərkəzi-OMM” xəbər verir ki, müstəntiqlərin sözlərinə görə, Sobolevo kəndindən olan 38 yaşlı müəllim səlahiyyətli qurumlara yalan məlumat təqdim edib. Bu isə ona uşaqlarının doğulması və tərbiyəsi ilə bağlı aylıq sosial ödənişlər almağa imkan yaradıb.
Bildirilib ki, onun qanunsuz hərəkətləri nəticəsində federal və regional büdcələrdən ümumilikdə 2 198 044 rubl vəsait mənimsənilib.
Faktla bağlı müavinətlərin saxtakarlıq yolu ilə əldə olunması maddəsi üzrə cinayət işi başlanıb. Təqsiri sübuta yetirilərsə, müəllimi 10 ilədək azadlıqdan məhrumetmə cəzası gözləyir.
Hazırda hüquq-mühafizə orqanları tərəfindən hadisənin bütün detalları araşdırılır.
