Moldovanın xarici işlər naziri Niku Popesku keçirdiyi brifinq zamanı bildirib ki, o, baş nazirin müavini və ölkənin Xarici İşlər Nazirliyinin rəhbəri vəzifəsindən istefa verib.
"Operativ Məlumat Mərkəzi-OMM" xəbər verir ki, bu barədə RİA Novosti məlumat yayıb.
Diplomat qeyd edib ki, Xarici İşlər Nazirliyi 2,5 ildə çox yaxşı işlərə imza atıb.
Bir müddət əvvəl bir sıra KİV-lər, o cümlədən "deschide.md" portalı Moldova Nazirlər Şurasında gözlənilən dəyişikliklərlə bağlı məlumat yayıb.
Xüsusilə, Popeskunun Xarici İşlər Nazirliyinin rəhbəri vəzifəsini tərk edərək, Avropa İttifaqının baş danışıqçısı olacağı təklif edilib.
Jurnalistlər Popeskunun Moldova Xarici İşlər Nazirliyindəki yerini parlament sədrinin müavini Mixay Popsoi tutacağını iddia edirdilər.
Lakin bu şayiələri respublikanın prezident administrasiyasının rəhbəri Adrian Balutal təkzib edib.
