Florida ştatında "Milton" qasırğasının vurduğu ziyanın aradan qaldırılması üçün işlərə başlanılıb.
"Operativ Məlumat Mərkəzi-OMM" xəbər verir ki, fırtına daşqın və tornadolara səbəb olub, ən azı 16 nəfər həlak olub.
Ştatda bir çox ev dağıdılıb, ağaclar aşıb, 3 milyona yaxın abonent işıqsız qalıb.
Təhlilçilərin hesablamalarına görə, qasırğanın vurduğu zərər sığorta şirkətlərinə 100 milyard dollara başa gələ bilər ki, bu da 2025-ci ildə təkrar sığorta qiymətlərinin artmasına səbəb ola bilər.
