Mikrofonu açıq qalan deputat işlətdiyi ifadələrə görə istefa verdi

Bolqarıstan parlamentinin “Vətəndaşlar Bolqarıstanın Avropa İnkişafı Uğrunda” (GERB) partiyasından olan deputatı Vejdi Rəşidov parlamentdə və partiyada fəaliyyətini tamamilə dayandırır.

"Operativ Məlumat Mərkəzi-OMM" xarici mediaya istinadən xəbər verir ki, buna səbəb deputatın qadınlar haqqında nalayiq ifadələr işlətməsi olub. Belə ki, deputatların bazar ertəsi keçirilən növbədənkənar iclasında səs çoxluğu ilə “Məişət zorakılığından qorunma haqqında” qanuna dəyişiklikləri təsdiqlənərkən mikrofonun işə salınmasından xəbəri olmayan Rəşidov qadınlara qarşı nalayiq ifadələr işlədib.