Maks Ferstappen Sinqapur Qran-prisinin sıralanma turunda poul qazandı

“Red Bull” komandasının pilotu Maks Ferstappen Formula 1 üzrə Sinqapur Qran-prisinin sıralanma turunda poul qazanıb. Niderlandlı sürücü dövrəni 1:31.373 vaxta tamamlayıb.

“Ferrari” pilotları Şarl Lekler və Lyuis Hemilton müvafiq olaraq ikinci və üçüncü yerləri tutublar. Lekler Ferstappendən 0,054, Hemilton isə 0,123 saniyə geri qalıb.

Sıralanma turunun ilk onluğu belə olub:

1. Maks Ferstappen (“Red Bull”) — 1:31.373;
2. Şarl Lekler (“Ferrari”) — +0,054;
3. Lyuis Hemilton (“Ferrari”) — +0,123;
4. Andrea Kimi Antonelli (“Mercedes”) — +0,189;
5. Lando Norris (“McLaren”) — +0,339;
6. Corc Rassel (“Mercedes”) — +0,374;
7. Oskar Piastri (“McLaren”) — +0,487;
8. Pyer Qasli (“Alpine”) — +0,852;
9. Liam Louson (“Racing Bulls”) — +0,996;
10. Arvid Lindblad (“Racing Bulls”) — +1,408.

Sinqapur Qran-prisinin əsas yarışı oktyabrın 11-də keçiriləcək və Bakı vaxtı ilə saat 16:00-da başlayacaq.