Mahir Emreli: Komanda mental olaraq yaxşı vəziyyətdə deyil

Azərbaycan millisinin futbolçusu Mahir Emreli Lixtenşteynlə qolsuz heç-heçədən sonra komandanın hazırkı vəziyyətini dəyərləndirib. Görüş 0:0 hesabı ilə başa çatıb.

Hücumçu jurnalistlərə açıqlamasında nəticəyə görə Azərbaycan xalqından üzr istədiyini deyib. O, komandanın psixoloji durumunun yaxşı olmadığını və qol imkanlarının yarandığını bildirib.

“Komanda mental olaraq yaxşı vəziyyətdə deyil. Xalqımızdan üzr istəyirik. Qol epizodlarımız oldu. Bu oyun bizim ayıbımız olaraq yadda qalacaq”, – Mahir Emreli deyib.

Qeyd edək ki, Azərbaycan millisi qrupda iki xalla ikinci pillədə qərarlaşıb. Lixtenşteyn bir xalla sonuncu, üçüncü yerdədir.