Madaqaskarda qasırğa nəticəsində 11 nəfər həyatını itirib

Qamane qasırğası Hind okeanındakı Madaqaskar ada ölkəsini vurub. Qasırğa nəticəsində 11 nəfər ölüb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Səlahiyyətlilər 6 nəfərin boğulduğunu, 5 nəfərin isə uçan evlərin altına düşərək öldüyünü açıqlayıb.

Adanın şimalında təsirli olan qasırğa evlərə və yollara ziyan vurub, güclü yağışdan sonra yollar su altında qalıb. Təxminən 7 min nəfərin daşqından zərər çəkdiyi açıqlanarkən, fırtınanın vurduğu bölgələrdə kəndlərin mərkəzlə əlaqəsinin kəsildiyi qeyd edilib. Bölgədə küləyin sürətinin saatda 150 kilometrə çatdığı bildirilib.

Xatırladaq ki, ötən il Mozambik və Malavini də vuran Freddi qasırğası nəticəsində 1434 nəfər ölüb.