Fransada Luvr Muzeyində həyata keçirilən tarixi zinət əşyası oğurluğu ilə bağlı aparılan istintaq çərçivəsində daha dörd nəfər saxlanılıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Paris baş prokuroru Lora Bekkua iki kişi və iki qadının dünən Parisdə saxlanıldığını açıqlayıb.
Açıqlamada saxlanılan 38 və 39 yaşlarındakı iki kişi ilə 31 və 40 yaşlarındakı iki qadının oğurluqda hansı rolu oynadıqları barədə ətraflı məlumat verilməyib.
Şübhəlilər polis tərəfindən 96 saata qədər dindirilə bilərlər.
Xatırladaq ki, oktyabr ayında həyata keçirilən oğurluqda təxminən 76 milyon funt sterlinq dəyərində Fransa kral ailəsinə məxsus zinət əşyaları oğurlanmışdı.
