OMM Redaksiyası
PSJ-nin baş məşqçisi Luis Enrike ukraynalı müdafiəçi İlya Zabarnının çıxışını dəyərləndirib. Zabarnı Fransa çempionatının 10-cu turunda “Trua” ilə oyunda yeganə qolu vuraraq Paris klubuna 1:0 hesablı qələbə qazandırıb. O, 39-cu dəqiqədə fərqlənib.
Enrike bildirib ki, Zabarnı ötən mövsüm iştirak etdiyi matçların demək olar hamısında yaxşı təsir bağışlayıb. Məşqçi onun Çempionlar Liqasının finalında əlavə vaxtdakı oyununu da xatırladıb.
Baş məşqçinin sözlərinə görə, PSJ Zabarnını transfer edərkən həm topla yaxşı oynayan, həm də müdafiədə etibarlı mərkəz müdafiəçisi əldə etməyi gözləyib. Enrike futbolçunun inkişafını davam etdirdiyini və hər yeni oyunda daha inamlı olduğunu deyib. O, komandanın Zabarnının göstərdiyi oyundan razı qaldığını, bununla yanaşı, futbolçudan daha böyük töhfə gözlədiyini bildirib.
Enrike Zabarnının hücumlara qoşulmaq və rəqibin cərimə meydançasında oynamaq bacarığını da vurğulayıb. Məşqçinin fikrincə, onun həlledici qolu PSJ üçün vacib uğur olub. Enrikenin fikirlərini Culture PSG yayıb.
Zabarnı ötən yay “Bornmut”dan PSJ-yə keçib.
