OMM Redaksiyası
Azərbaycan U-21 millisinin futbolçusu Lorenzo Mezzotero A millidə oynamağı qarşısına qoyduğu böyük hədəflərdən biri kimi göstərib. O, bu barədə Avropa çempionatının seçmə mərhələsində Cəbəllütariqə 3:0 hesabı ilə qalib gəldikləri oyundan sonra danışıb.
Mezzoteronun sözlərinə görə, komandanın məqsədi U-21 millisinin əvvəlki 9 xallıq rekordunu yeniləmək olub. Futbolçu qapını toxunulmaz saxladıqları və qələbə qazandıqları üçün kollektivin məmnun olduğunu bildirib.
“Azərbaycan mənim üçün ev kimidir”
İtaliyanın “Sampdoriya” klubunda çıxış edən Mezzotero Azərbaycanda altı yaşından 12 yaşınadək yaşadığını, burada məktəbə getdiyini və çoxlu dostlarının olduğunu deyib. O, hər dəfə Azərbaycan millisindən dəvət almağı böyük şərəf saydığını vurğulayıb.
Futbolçu “Sampdoriya”da müntəzəm oynadığını, qollar vurduğunu və klubun əsas komandasında iki oyuna çıxdığını qeyd edib. Hazırda əsas diqqətini çox çalışmağa və inkişaf etməyə yönəltdiyini söyləyib.
Mezzotero U-20 dünya çempionatında oynamağı da hədəfləyir. Onun sözlərinə görə, turnirin Azərbaycanda keçiriləcəyini bilir və bu məqsədə çatmaq üçün çalışmağa davam etmək istəyir. Futbolçu azarkeşlərə dəstəyə görə təşəkkür edib.
