Litva Milli Böhranların İdarə Edilməsi Agentliyi ölkə ərazisində qəzaya uğrayan silahlı pilotsuz uçuş aparatının Ukrayna tərəfindən buraxılmış ola biləcəyini açıqlayıb.
"Operativ Məlumat Mərkəzi-OMM"xəbər verir ki, bu barədə xarici KİV məlumat yayıb.
Mərkəzin direktoru Vilmantas Vitkauskas jurnalistlərə açıqlamasında bildirib ki, ilkin araşdırmalar belə ehtimal yaratmağa əsas verir.
“İlkin məlumatlara görə, dağıntılarda gördüyümüz şey, çox güman ki, Ukrayna dronudur”, - deyə o vurğulayıb.
Məlumata görə, pilotsuz uçuş aparatı hadisə yerində məhv edilib. Hazırda ərazidə təcili yardım və təhlükəsizlik xidmətlərinin əməkdaşları fəaliyyət göstərir.
Litva Prezidenti Gitanas Nauseda isə bildirib ki, ölkəsinin hava məkanından hərbi məqsədlər üçün istifadə edilməsini qəbuledilməz hesab edir.
Prezident vurğulayıb ki, Litvanın hava məkanına daxil olan bütün xarici pilotsuz uçuş aparatları vurulacaq.
