Litva Ukrayna üçün Prioritetləşdirilmiş Tələblər Siyahısı (PURL) təşəbbüsü çərçivəsində Kiyevə silah tədarükü üçün 30 milyon avro əlavə vəsait ayıracaq.
"Operativ Məlumat Mərkəzi-OMM" xəbər verir ki, bu barədə Baltikyanı respublikanın müdafiə naziri Dovile Şakaliene LRT telekanalının efirində məlumat verib.
"Baş nazir İnqrida Şimonitenin dəstəyi sayəsində biz PURL proqramı çərçivəsində Ukrayna üçün çox vacib silahların alınması məqsədilə 30 milyon avro ayıra biləcəyik," – deyə nazir bildirib.
Şakaliene qeyd edib ki, bu vəsait birbaşa Müdafiə Nazirliyinin büdcəsindən ayrılacaq.
"Biz mövcud vəsaitləri yenidən bölüşdürməli olacağıq", - deyə o, əlavə edib.
Nazir Ukraynaya ayrılan 30 milyon avronu nəzərə alaraq, Müdafiə Nazirliyinin öz plan və proqramlarına yenidən baxmalı olub-olmayacağına isə aydınlıq gətirməyib.
