Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyeva Masallı rayonuna səfər edib. Səfər çərçivəsində o, rayonun əhəmiyyətli tarixi və dini-mədəni abidələrindən sayılan Masallı Cümə məscidi ilə tanış olub.
Məscid haqqında verilən məlumata görə, şəhərin mərkəzində yerləşən bu ibadətgah 1846-cı ildə yerli sakinlərin və xeyriyyəçilərin dəstəyi ilə inşa edilib. Müstəqillik illərində bərpa olunan məscid yenidən fəaliyyətə başlayıb. Dövlət tərəfindən aparılan əsaslı təmir işlərindən sonra, 2001-ci ildə məscid yerli əhəmiyyətli daşınmaz tarix və mədəniyyət abidələri siyahısına daxil edilib.
Ziyarətin sonunda Leyla Əliyevaya Qurani-Kərim hədiyyə olunub.
